କୁକୁର ଦ୍ୱାରା ମଣିଷଙ୍କଠାରେ ବ୍ୟାପିଛି କରୋନା ଭାଇରସ୍!
କରୋନା ଭାଇରସକୁ ନେଇ ପ୍ରତି ସପ୍ତାହରେ କିଛି ନୂଆ ନୂଆ ଗବେଷଣା ହେଉଛି ଏବଂ ଏଥିରୁ ନୂଆ ନୂଆ ତଥ୍ୟ ସାମ୍ନାକୁ ଆସୁଛି । କରୋନା ଭାଇରସ୍ ବାଦୁଡିଠାରୁ ଆସିଛି ବୋଲି ପୂର୍ବରୁ ଗବେଷକ ଦାବି କରିଥିଲେ ଏବଂ ଏହି ଦାବିକୁ ପ୍ରାୟତଃ ସମସ୍ତେ ଗ୍ରହଣ ମଧ୍ୟ କରିଛନ୍ତି । କିନ୍ତୁ କରୋନା ଭାଇରସ୍ କୌଣସି ଜୀବ ମାଧ୍ୟମରେ ମଣିଷଙ୍କ ନିକଟକୁ ଆସିଛି କି ନାହିଁ, ତାହା ଏପର୍ଯ୍ୟନ୍ତ ଏହା ସ୍ଥିର ହୋଇନାହିଁ । ବର୍ତ୍ତମାନ ଏକ ନୂଆ ଗବେଷଣାରେ ଆସିଥିବା ତଥ୍ୟରେ କୁହାଯାଇଛି ଯେ, କରୋନା ଭାଇରସ୍ ବାଦୁଡିଠାରୁ କୁକୁରକୁ ଆସିଥିଲା । ପରେ କୁକୁର ମାଧ୍ୟମରେ ମଣିଷମାନଙ୍କୁ ଆକ୍ରାନ୍ତ କରିଥିଲା । ତେବେ ଆସନ୍ତୁ ଜାଣିବା ଗବେଷକମାନେ କଣ ନୂଆ ତଥ୍ୟ ସାମ୍ନାକୁ ଆଣିଛନ୍ତି…
କରୋନା ପୂର୍ବରୁ ଦୁଇଟି ଭାଇରସ୍ ବାଦୁଡିଠାରୁ ସୃଷ୍ଟି ହୋଇ ପଶୁ ମାଧ୍ୟମରେ ମଣିଷଙ୍କୁ ସଂକ୍ରମିତ କରିଥିଲା । ଫେବ୍ରୁଆରୀରେ କରାଯାଇଥିବା ପ୍ରାରମ୍ଭିକ ଗବେଷଣାରେ ବୈଜ୍ଞାନିକମାନେ ମତବ୍ୟକ୍ତ କରିଥିଲେ ଯେ, କୋଭିଡ୍-୧୯ ବାଦୁଡିଠାରୁ ପିମ୍ପୁଡି ଖାଉଥିବା ପାଙ୍ଗୋଲିନ୍ ଭିତରକୁ ଆସିଥିଲା । ଏହା ପରେ ଭାଇରସ୍ ପାଙ୍ଗୋଲିନରୁ ମଣିଷ ଶରୀରରେ ପ୍ରବେଶ କରିଥିଲା । କିନ୍ତୁ ଏହି ସିଦ୍ଧାନ୍ତରେ ବୈଜ୍ଞାନିକମାନେ ସହମତି ହୋଇନଥିଲେ ।
କାନାଡର ଅଟ୍ଟୋ ବିଶ୍ୱବାଦ୍ୟାଳୟର ବାୟୋଲୋଜି ପ୍ରଫେସର ଜୁହୁଆ ଜିଆ ନିଜ ତରଫରୁ କରୋନା ଉପରେ ଏକ ଗବେଷଣା ଆରମ୍ଭ କରିଥିଲେ । ସେ କହିଛନ୍ତି ଯେ କରୋନା ଭାଇରସ୍ ବାଦୁଡାଠାରୁ ବାହାରି କୁକୁର ମାଧ୍ୟମରେ ମଣିଷଙ୍କୁ ଆକ୍ରାନ୍ତ କରୁଛି ।
