କାରୋନା ସଂକ୍ରମିତ ପିଲାଙ୍କ ଚିକିତ୍ସା ପାଇଁ ନିଜ କ୍ରିକେଟ ସରଞ୍ଜାମ ନିଲାମ କଲେ କେ ଏଲ ରାହୁଲ.. ଜାଣନ୍ତୁ ରାହୁଲଙ୍କ ବ୍ୟାଟର ଦାମ କେତେ..??
କେ ଏଲ ରାହୁଲ।ଭାରତୀୟ କ୍ରିକେଟ ଟିମର ଷ୍ଟାଇଲିସ ବ୍ୟାଟ୍ସମ୍ୟାନ।କେତେବେଳେ ଇନିଂସ ଓପନ କରି ତ ପୁଣି କେବେ ମିଡ଼ିଲ ଅର୍ଡରରେ ବ୍ୟାଟିଂ କରି ସେ ଦେଖାଇଛନ୍ତି ଯଲବା।ଏପରିକି ବିକେଟକିପର ଭୂମିକାରେ ଅବତୀର୍ଣ୍ଣ ହୋଇ ସେ ଟିମ ମ୍ୟାନେଜମେଣ୍ଟର ଚିନ୍ତା ମଧ୍ୟ ଦୂର କରିଛନ୍ତି।
ଭାରତୀୟ କ୍ରିକେଟର୍ କେଏଲ୍ ରାହୁଲ ୨୦୧୯ ବିଶ୍ବକପ୍ରେ ଯେଉଁ ବ୍ୟାଟ୍ ବ୍ୟବହାର କରିଥିଲେ ତାହା ଶନିବାର ୨ ଲକ୍ଷ ୬୪ ହଜାର ୨୨୮ ଟଙ୍କାରେ ନିଲାମ ହୋଇଛି। ଏହି ଅର୍ଥ କରୋନା ଭୂତାଣୁ ସଂକ୍ରମଣ ପାଇଁ ଉତ୍ପନ୍ନ ପରିସ୍ଥିତିରେ ଅସୁବିଧାରେ ପଡ଼ିଥିବା ପିଲାମାନଙ୍କ ପାଇଁ ଖର୍ଚ୍ଚ ହେବ।
ରାହୁଲଙ୍କ ବ୍ୟାଟ୍ ବ୍ୟତୀତ ହେଲମେଟ୍ ୧ ଲକ୍ଷ ୨୨ହଜାର ୬୭୭, ପ୍ୟାଡ୍ ୩୩ ହଜାର ୨୮, ଦିନିକିଆ ଜର୍ସି ୧ ଲକ୍ଷ ୧୩ ହଜାର ୨୪୦, ଟ୍ବେଣ୍ଟି୨୦ ଜର୍ସି ୧ ଲକ୍ଷ ୪ ହଜାର ୮୪୨, ଟେଷ୍ଟ ଜର୍ସି ୧ ଲକ୍ଷ ୩୨ ହଜାର ୭୭୪ ଓ ଗ୍ଲୋଭ୍ସ ୨୮,୭୮୨ ଟଙ୍କାରେ ନିଲାମ ହୋଇଥିବା ଜଣାପଡ଼ିଛି। ଏହି ଅର୍ଥ ଆୱାର ଫାଉଣ୍ଡେସନ୍କୁ ପ୍ରଦାନ କରାଯିବ। ଏହି ଫାଉଣ୍ଡେସନ୍ ଅବହେଳିତ ପିଲାଙ୍କ ପାଇଁ ଏହି ଅର୍ଥ ଖର୍ଚ୍ଚ କରିବ।
ସୂଚନାଥାଉକି ରାହୁଲ କିଛିଦିନ ତଳେ ୨୮ ବର୍ଷରେ ପାଦ ଦେଇଥିବା ବେଳେ ଅବହେଳିତ ପିଲାଙ୍କ ନିମନ୍ତେ ଆର୍ଥିକ ସହାୟତା ପାଇଁ ନିଜର କ୍ରୀଡ଼ା ସରଞ୍ଜାମ ନିଲାମ କରିବେ ବୋଲି ସୂଚନା ଦେଇଥିଲେ। ରାହୁଲଙ୍କ କ୍ରୀଡ଼ା ସରଞ୍ଜାମ ନିଲାମ ଭାରତ ଆର୍ମି ତରଫରୁ କରାଯାଇଥିଲା। ଏହି ନିଲାମରେ ଭାରତ ସମେତ ଇଂଲଣ୍ଡ, ଅଷ୍ଟ୍ରେଲିଆ, ସିଙ୍ଗାପୁର, ୟୁଏଇର କ୍ରିକେଟ୍ପ୍ରେମୀ ଭାଗ ନେଇଥିଲେ। ରାହୁଲଙ୍କ କ୍ରୀଡ଼ା ସରଞ୍ଜାମ ନିଲାମରୁ ବେଶ୍ କିଛି ଅର୍ଥ ସଂଗୃହିତ ହୋଇଥିବାରୁ ଭାରତ ଆର୍ମିର ପ୍ରତିଷ୍ଠାତା ରାକେଶ ପଟେଲ ସମସ୍ତ କ୍ରୀଡ଼ାପ୍ରେମୀଙ୍କୁ ଧନ୍ୟବାଦ ଅର୍ପଣ କରିଥିଲେ। ଏଥିସହ ସେ ରାହୁଲଙ୍କୁ ମଧ୍ୟ କୃତଜ୍ଞତା ଜଣାଇଥିଲେ।
