Sunday, October 24, 2021
Home ଖବର କ୍ରିକେଟର ଇରଫାନ୍ ଖାନ..!!!

କ୍ରିକେଟର ଇରଫାନ୍ ଖାନ..!!!

କ୍ରିକେଟର ଇରଫାନ୍ ଖାନ..!!!

ବଲିଉଡର ଅନ୍ୟତମ ପ୍ରତିଭାଶାଳୀ ଅଭିନେତା ମଧ୍ୟରେ ପରିଚିତ ଇରଫାନ୍ ଖାନଙ୍କର ବୁଧବାର ୫୩ ବର୍ଷ ବୟସରେ ମୁମ୍ବାଇର କୋକିଲାବେନ୍ ହସ୍ପିଟାଲରେ ପରଲୋକ ହୋଇଛି। କ୍ୟାନସର୍ ସହିତ ଦୀର୍ଘ ଦିନର ଲଢ଼େଇରେ ଶେଷରେ ସେ ହାରିଯାଇଛନ୍ତି। ତାଙ୍କ ପ୍ରଶଂସକ ତାଙ୍କୁ ଜଣେ କଳାକାର ଭାବେ ଜାଣନ୍ତି, କିନ୍ତୁ ବହୁତ କମ୍ ଲୋକେ ଜାଣନ୍ତି ଯେ ତାଙ୍କର ପ୍ରଥମ ପସନ୍ଦ ଥିଲା କ୍ରିକେଟ୍‌। ମାତ୍ର ୬୦୦ ଟଙ୍କା ଅଭାବରୁ ସେ ବିସିସିଆଇ ଦ୍ୱାରା ପରିଚାଳିତ ୨୩ ବର୍ଷରୁ କମ୍ ସିକେ ନାଇଡୁ ଟ୍ରଫିରେ ସାମିଲ୍‌ ହୋଇପାରିନଥିଲେ।

୨୦୧୪ରେ ଏକ ଇଣ୍ଟରଭ୍ୟୁରେ ଇରଫାନ୍ କହିଥିଲେ ଯେ ଯୁବାବସ୍ଥାରେ ସେ କ୍ରିକେଟର୍ ହେବାକୁ ଚାହୁଁଥିଲେ। ଏପରିକି ସିକେ ନାଇଡୁ ଟ୍ରଫି ପାଇଁ ମଧ୍ୟ ତାଙ୍କର ଚୟନ ହୋଇସାରିଥିଲା, କିନ୍ତୁ ଅର୍ଥ ଅଭାବରୁ ସେ ଏଥିରେ ସାମିଲ୍‌ ହୋଇପାରିନଥିଲେ। ଇରଫାନ୍ କହିଥିଲେ, “ମୁଁ କ୍ରିକେଟ୍ ଖେଳୁଥିଲି ଏବଂ କ୍ରିକେଟର୍ ହେବାକୁ ଚାହୁଁଥିଲି। ମୁଁ ଜଣେ ଅଲରାଉଣ୍ଡର ଥିଲି। ଜୟପୁରରେ ନିଜ ଟିମରେ ମୁଁ ସବୁଠାରୁ କନିଷ୍ଠ ଥିଲି ଏବଂ ଏହି ଜୋନ୍ ପକ୍ଷରୁ ମୁଁ ନିଜର କ୍ୟାରିୟର ଗଢ଼ିବାକୁ ଚାହୁଁଥିଲି। ସିକେ ନାଇଡୁ ପାଇଁ ମୋର ଚୟନ ହୋଇଥିଲା। ସେହି ସମୟରେ ମୋତେ ଟଙ୍କାର ଆବଶ୍ୟକ ଥିଲା ଏବଂ ଘରର ଅବସ୍ଥା ଶୋଚନୀୟ ଥିବାରୁ ମୁଁ ୬୦୦ ଟଙ୍କା ମାଗିପାରିନଥିଲି। ସେହି ଦିନ ହିଁ ମୁଁ ନିଷ୍ପତ୍ତି ନେଲି ଯେ କ୍ରିକେଟରେ ନିଜର ଭବିଷ୍ୟତ ଗଢ଼ିବି ନାହିଁ।”

ଏହା ପରେ ଇରଫାନ୍ ନ୍ୟାଶନାଲ୍ ସ୍କୁଲ୍ ଅଫ୍ ଡ୍ରାମା (ଏନଏସଡି)ରେ ଯୋଗଦେଇଥିଲେ, ଯେଉଁଥିପାଇଁ ତାଙ୍କୁ ୩୦୦ ଟଙ୍କା ଦରକାର ଥିଲା। ତେବେ ତାଙ୍କ ପାଖରେ ୩୦୦ ଟଙ୍କା ନଥିଲା, କିନ୍ତୁ ତାଙ୍କ ଭଉଣୀ ତାଙ୍କ ପାଇଁ ଏହି ଟଙ୍କା ଯୋଗାଡ଼ କରିଥିଲେ। କ୍ରିକେଟ୍ ଓ ଅଭିନୟ ସମ୍ବନ୍ଧରେ ଇରଫାନ୍ କହିଥିଲେ, ମୁଁ ବହୁତ ଚିନ୍ତା କରିବା ପରେ କ୍ରିକେଟ୍‌ ଛାଡ଼ିବାକୁ ନିଷ୍ପତ୍ତି ନେଇଥିଲି। ତା’ଛଡ଼ା ଫିଲ୍ମ ଇଣ୍ଡଷ୍ଟ୍ରୀରେ କ୍ୟାରିୟର କ୍ରିକେଟ୍ ତୁଳନାରେ ଅଧିକ ଲମ୍ବା ଏବଂ ବ୍ୟାପକ ହୋଇଥାଏ। କ୍ରିକେଟରେ କେବଳ ୧୧ଜଣ ହିଁ ଖେଳିପାରିବେ। କିନ୍ତୁ ଅଭିନେତାଙ୍କ ପାଇଁ କୌଣସି ସୀମା ନାହିଁ। ଆପଣ ଯେତେ ପରିଶ୍ରମ କରିବେ, ସେତେ ନିଖୁଣ ହୋଇପାରିବେ।

ବର୍ତ୍ତମାନ ଟି-୨୦ ଫର୍ମାଟ୍ କ୍ରିକେଟକୁ ଅଧିକ ରୋମାଞ୍ଚକର କରିଛି। କିନ୍ତୁ ଇରଫାନ୍ ଏହି ଛୋଟିଆ ଫର୍ମାଟକୁ ଆଦୌ ପସନ୍ଦ କରନ୍ତି ନାହିଁ। ଇରଫାନଙ୍କ ମତରେ, “ଟି-୨୦ ଫର୍ମାଟ୍ କ୍ରିକେଟକୁ ବହୁତ କ୍ଷତି ପହଞ୍ଚାଇଛି। ମୁଁ କ୍ରିକେଟର ପରମ୍ପରା ଅର୍ଥାତ୍ ଟେଷ୍ଟ କ୍ରିକେଟକୁ ବହୁତ ପସନ୍ଦ କରୁଥିଲି।”

LEAVE A REPLY

Please enter your comment!
Please enter your name here

- Advertisment -

ସାମାଜିକ

ସଲମାନ୍‌ଙ୍କୁ କାହିଁକି ପସନ୍ଦ କରନ୍ତିନି ବିରାଟ କୋହଲି ..!!??

ସଲମାନ୍‌ଙ୍କୁ କାହିଁକି ପସନ୍ଦ କରନ୍ତିନି ବିରାଟ କୋହଲି ..!!?? ସୋସିଆଲ ମିଡିଆରେ ଏବେ ସଲମାନ ଖାଁ,ଅନୁଷ୍କା ଏବଂ ବିରାଟ କୋହଲିଙ୍କୁ ନେଇ ଚର୍ଚ୍ଚା।କୁହାଯାଉଛି ଯେ ସଲମାନଙ୍କୁ...

ମନ୍ଦିର ପରିସର ସଫା କଲେ ସ୍ବେଛାସେବୀ

ଖୋର୍ଦ୍ଧା, ତା୧୦/୧୧-ବାଙ୍କୀ ଉପଖଣ୍ଡ ଅନ୍ତର୍ଗତ ବୈଦେଶ୍ୱରସ୍ଥିତ ସର୍ବପୁରାତନ ଐତିହ୍ୟ ମନ୍ଦିର ଶ୍ରୀ ଶ୍ରୀ ରାମନାଥଦେବଙ୍କ ମନ୍ଦିର ଓ ଦୁର୍ଗା ମନ୍ଦିରକୁ ସାପ୍ତାହିକ ଖବରକାଗଜ ଭୋକିଲା ପେଟ ଓ ଲୋକ...

ହାତୀ ଦଳିଦେଲା ଧାନ ଫସଲ, ଚିନ୍ତାରେ ଚାଷୀ

ଖୋର୍ଦ୍ଧା, ତା୨/୧୧- ଫସଲ ଅମଳ ସମୟ ପୂର୍ବରୁ ବେଗୁନିଆ ବ୍ଲକ ଦେଉଳି ପଞ୍ଚାୟତ ଅନ୍ତର୍ଗତ ଗୋଡ଼ା ଗ୍ରାମରେ ୪ ଗୋଟି ବଣୁଆ ହାତୀ ୩ ଏକରରୁ ଉର୍ଦ୍ଧ୍ବ ଧାନ...

ସଂକୀର୍ତନ ବାୟକଙ୍କ ପରଲୋକ

ଖୋର୍ଦ୍ଧା, ତା୨୦/୧୦-ବେଗୁନିଆ ବ୍ଲକ ବଡ଼ବେରଣା ପଞ୍ଚାୟତ ଅନ୍ତର୍ଗତ କୋଲୁହାପାଟଣା ଗ୍ରାମର ସଂକୀର୍ତନ ବାୟକ ହରିବନ୍ଧୁ ବେହେରା(୮୦)ଙ୍କର ହୃଦଘାତରେ ମଙ୍ଗଳବାର ପୂର୍ବାହ୍ନରେ ନିଜ ବାସଭବନରେ ପରଲୋକ ଘଟିଯାଇଛି ।ସେ ଜଣେ...