ଜାଣନ୍ତୁ କେସର ପାଣି ପିଇବାର ଚମତ୍କାରୀତା…
ଆଜିକାଲି ପୁଣିଥରେ ଫେରିଛି ପୁରୁଣା ଟ୍ରେଣ୍ଡ।ପ୍ରାୟ ସବୁଲୋକ ବିଭିନ୍ନ ପ୍ରକାରର ରୋଗରୁ ମୁକ୍ତି ପାଇବାକୁ ଘରୋଇ ଉପାୟ ଆପଣାଉଛନ୍ତି, କାରଣ ଏହା ସ୍ୱାସ୍ଥ୍ୟ ପାଇଁ ବି ଭଲ ହୋଇଥାଏ । ଆଜି ଆମେ ଆପଣଙ୍କୁ କହିବୁ କେସରର ଉପକାରୀତା ବିଷୟରେ। କେସରରେ ରହିଛି କିଛି ଔଷଧୀୟ ଗୁଣ, ଯାହା ଆପଣଙ୍କୁ ଚମତ୍କାରୀ ଫାଇଦା ଦେଇଥାଏ । ଖାଦ୍ୟର ସ୍ୱାଦ ବଢାଇବା ସହ ବହୁ ପ୍ରକାର ରୋଗରୁ ଭଲ କରିଥାଏ କେସର । ତେବେ ଆସନ୍ତୁ ଜାଣିବା କେସର ପାଣିର ଉପକାରୀତା ବିଷୟରେ…
ଆସନ୍ତୁ ପ୍ରଥମେ ଜାଣିବା କେମିତି ପ୍ରସ୍ତୁତ କରିବା କେସର ପାଣି।କେସର ପାଣି ପ୍ରସ୍ତୁତ ପାଇଁ ଆପଣ ପ୍ରଥମେ ଗୋଟିଏ ଗ୍ଲାସ ପାଣିକୁ ଗରମ କରିଦିଅନ୍ତୁ । ସେଥିରେ ୮ କି ୯ଟି କେସର ପକାଇ ୧୦ ମିନିଟ୍ ପାଇଁ ଛାଡିଦିଅନ୍ତୁ । ଯେବେ ପାଣି ଥଣ୍ଡା ହେଉଛି, ସେବେ ତାହାକୁ ପିଅନ୍ତୁ ।ଯଦି ଏହି ପାଣିକୁ ଟିକେ ଅଧିକ ସ୍ୱାଦିଷ୍ଟ କରିବାକୁ ଚାହୁଁଛନ୍ତି, ତେବେ ଆପଣ ଏଥିରେ ମହୁ ବି ମିଶାଇ ପାରିବେ । କେସର ପାଣିକୁ ଆପଣ ସକାଳେ ଓ ସନ୍ଧ୍ୟାରେ ପିଇପାରିବେ ।
୧- ଦିନ ଆରମ୍ଭରୁ କେସର ପାଣି ପିଇବା ଦ୍ୱାରା ଶରୀର ଫୁର୍ତ୍ତି ରୁହେ । ବହୁ ସ୍ୱାସ୍ଥ୍ୟ ଜନିତ ସମସ୍ୟା ଦୂର ହୋଇଥାଏ ।
୨-କେସର ପାଣି ପିଇବା ଦ୍ୱାରା ଝିଅମାନଙ୍କର ମାସିକ ଋତୁସ୍ରାବରେ ହେଉଥିବା କଷ୍ଟ ଦୂର ହୋଇଥାଏ । ମାସିକ ଋତୁସ୍ରାବରେ କମ୍ ବ୍ଲିଲ୍ଡିଂ ହେଲେ କଷ୍ଟ ଅଧିକ ହୋଇଥାଏ, ଯାହାକି କେସର ପାଣି ପିଇବା ଦ୍ୱାରା ଠିକ୍ ହୋଇଥାଏ ।
୩-ଯଦି ଆପଣଙ୍କର ବାଳ ଉପୁଡୁଛି, ତେବେ ଦିନକୁ ୨ଥର କେସର ପାଣି ପିଅନ୍ତୁ । ଏହା ଦ୍ୱାରା ବାଳର ମୂଳ ମଜଭୂତ ହୋଇଥାଏ ।
୪-କେସର ପାଣି ପିଇବା ଦ୍ୱାରା ତ୍ୱଚା ପାଇଁ ଅଧିକ ଫାଇଦା ହୋଇଥାଏ । ତ୍ୱଚା ଅଧିକ ସୁନ୍ଦର ଦେଖାଯିବା ସହ ଆକର୍ଷଣୀୟ ଦେଖାଯାଏ ।
୫-ଗର୍ଭବତୀ ମହିଳାଙ୍କ ଗର୍ଭାଶୟରେ ପେଟରେ ଗ୍ୟାସ ହୋଇଥାଏ । ଏହି ସମୟରେ କେସର ପାଣି ପିଇବା ଦ୍ୱାରା ହଜମ ଶକ୍ତି ମଜଭୁତ ହେବା ସହ ପେଟ ସମ୍ବନ୍ଧୀୟ ସମସ୍ୟା ଦୂର ହୋଇଥାଏ ।
