ଲକଡାଉନ ବେଳେ ମାଗଣାରେ ଏହି ସେବା ଦେଉଛି Google ..ପଢନ୍ତୁ ଏବଂ ଜାଣନ୍ତୁ..
କରୋନା ସଂକ୍ରମଣକୁ ରୋକିବା ପାଇଁ ସାରା ଦେଶରେ ଏବେ ଜାରି ରହିଛି ଲକଡାଉନ ୪.୦। ଏହି ସମୟରେ ଭିଡିଓ କନଫରେନ୍ସିଂ ପ୍ଲାଟଫର୍ମର ଚାହିଦା ବୃଦ୍ଧି ମଧ୍ୟ ପାଇଛି। ଏହାକୁ ଦୃଷ୍ଟିରେ ରଖି Google ଏହାର ଭିଡିଓ କନଫରେନ୍ସିଂ ଆପ୍ ‘Google Meet’କୁ ଏବେ ସବୁ ୟୁଜର୍ସଙ୍କ ପାଇଁ ମାଗଣାରେ ଉପଲବ୍ଧ କରିବା ନେଇ ଘୋଷଣା କରିଛି। ପୂର୍ବରୁ ଏହି ଆପ୍ କୁ Paid ୟୁଜର୍ସଙ୍କ ପାଇଁ ଏକ ପ୍ରିମିୟମ୍ ଆପ୍ ଭାବେ ଉପସ୍ଥାପିତ କରାଯାଇଥିଲା।
କରୋନୋ ଭାଇରସ୍ ସଂକ୍ରମଣକୁ ରୋକିବା ପାଇଁ ଜାରି କରାଯାଇଥିବା ଲକଡାଉନ୍ ଯୋଗୁ ସାରା ବିଶ୍ୱରେ ଭିଡିଓ କଲିଂ ସେବାର ଚାହିଦା ବଢ଼ିବାରେ ଲାଗିଛି। ଏହାକୁ ଦୃଷ୍ଟିରେ ରଖି Google ପକ୍ଷରୁ କ୍ରମଶଃ ‘Google Meet’ ଆପର ଫ୍ରି ଭର୍ସନ ଜାରି କରିବା ନେଇ ନିଷ୍ପତ୍ତି ନିଆଯାଇଛି।
ଏହା ପୂର୍ବରୁ, ମିଟ୍ ଆପରେ କଲ୍ ସେଟ୍ ପାଇଁ Google ବିଜନେସ କିମ୍ବା ଏଜୁକେସନ ଆକାଉଣ୍ଟର ଆବଶ୍ୟକ ହେଉଥିଲା। ଏହା ଏକ Suite ସଫ୍ଟୱେୟାର। କିନ୍ତୁ ବର୍ତ୍ତମାନ କମ୍ପାନୀ ପକ୍ଷରୁ ୱେବରେ ଓ ମୋବାଇଲ୍ ଆପ ମାଧ୍ୟମରେ ଏହି ଆପକୁ iOS ଓ Android ପାଇଁ ଉପଲବ୍ଧ କରାଯାଇଛି।
ସୂଚନା ଅନୁସାରେ ‘Google Meet’ ଆପ ମାଧ୍ୟମରେ ଏକ ଭିଡିଓ କଲରେ ୧୦୦ ଜଣ ଯୋଡି ହୋଇପାରିବେ।
