ପୁଲିସ ଉପନିରୀକ୍ଷକ ବଦଳି ପ୍ରତିବାଦରେ ଧାରଣା
ଖୋର୍ଦ୍ଧା,୧୩/୬-ଖୋର୍ଦ୍ଧା ଜିଲ୍ଲା ବେଗୁନିଆ ଥାନାରେ କାର୍ଯ୍ୟରତ ଆରକ୍ଷୀ ଉପ ନିରୀକ୍ଷକ ବିଜୟ କୁମାର ମଲିକଙ୍କ ବଦଳି ପ୍ରତିବାଦରେ ମହିଳା ଗୋଷ୍ଠି, ସଚେତନ ନାଗରିକ, ବୁଦ୍ଧିଜୀବୀ ଓ ବିଭିନ୍ନ ସ୍ବେଚ୍ଛାସେବୀ ଅନୁଷ୍ଠାନର ସଦସ୍ୟମାନେ ଅଂଶ ଗ୍ରହଣ କରି ଥାନା କାର୍ଯ୍ୟାଳୟ ଆଗରେ ଧାରଣା ଦେଇଥିଲେ ।ଏଥି ସହ ଉପନିରୀକ୍ଷକଙ୍କ ବେଗୁନିଆରୁ ବାଣପୁର ଥାନାକୁ ବଦଳି ହୋଇଥିବା ବେଳେ ଏହାକୁ ବାତିଲ କରି ପୁନର୍ବାର ବେଗୁନିଆ ଥାନାରେ କାର୍ଯ୍ୟ କରିବା ପାଇଁ ଖୋର୍ଦ୍ଧା ଜିଲ୍ଲା ଆରକ୍ଷୀ ଅଧିକ୍ଷକଙ୍କ ଉଦ୍ଦେଶ୍ୟରେ ଲିଖିତ ଦାବିପତ୍ରକୁ ଅବଗତି ନିମନ୍ତେ ପଠାଯାଇଥିଲା ।
ବେଗୁନିଆ ଥାନାରେ ଆରକ୍ଷୀ ଉପନିରୀକ୍ଷକ ଭାବରେ ଦୀର୍ଘ ୧ ବର୍ଷ ଧରି କାର୍ଯ୍ୟରତ ଶ୍ରୀ ମଲ୍ଲିକ ଜଣେ ଦକ୍ଷ, କର୍ତବ୍ୟନିଷ୍ଠ ଓ ଦାୟିତ୍ବବାନ ପୁଲିସ ଅଧିକାରୀ ଭାବରେ ଉଚିତ ନ୍ୟାୟ ପ୍ରଦାନ କରି ଆସୁଛନ୍ତି ।ବିଭିନ୍ନ ଅପରାଧିକ କାର୍ଯ୍ୟକଳାପରେ ସଂଶ୍ଲିଷ୍ଟ ବ୍ୟକ୍ତି ବିଶେଷଙ୍କ ମନରେ ଭୟ ସୃଷ୍ଟି ହେବା ସହ ଉଚିତ ଦଣ୍ଡବିଧାନ କରିବା, ଶିଶୁ ଓ ମହିଳା ମାନଙ୍କ ସୁରକ୍ଷା କ୍ଷେତ୍ରରେ ଯଥେଷ୍ଟ ଯତ୍ନବାନ ହୋଇ ସୁନାମ ଅର୍ଜନ କରିବା ସହ ସ୍ଥାନୀୟ ଅଞ୍ଚଳରେ ପ୍ରଶଂସା ଭାଜନ ହୋଇପାରିଛନ୍ତି ।ଶ୍ରୀ ମଲିକଙ୍କ ବଦଳିକୁ ବାତିଲ କରା ନଗଲେ ଆଗାମୀ ଦିନରେ ରାସ୍ତାରୋକ କରାଯିବ ବୋଲି ସ୍ଥାନୀୟ ଜନସାଧାରଣ ଚେତାବନୀ ଦେଇଛନ୍ତି ।
