ଅବସରପ୍ରାପ୍ତ ଶିକ୍ଷକଙ୍କ ବିୟୋଗ

ଅବସରପ୍ରାପ୍ତ ଶିକ୍ଷକଙ୍କ ବିୟୋଗ
ଖୋର୍ଦ୍ଧା, ତା୨୭/୮- ବାଙ୍କୀ ଉପଖଣ୍ଡ ବୈଦେଶ୍ୱର ଥାନା ଅନ୍ତର୍ଗତ ପର୍ଶୁରାମପୁର ଗ୍ରାମର ଅଵସରପ୍ରାପ୍ତ ଶିକ୍ଷକ ଚୈତନ୍ୟ ଭୋଇ(୭୦)ଙ୍କର ଶ୍ୱାସ ରୋଗରେ ପୀଡିତ ହୋଇ ଚିକିତ୍ସାଧିନ ମୃତ୍ୟୁବରଣ କରିଛନ୍ତି ।ସ୍ୱର୍ଗତ ଶ୍ରୀ ଭୋଇ ଦୀର୍ଘଦିନ ଧରି କଳାପଥର ଧଳାପଥର ବାଳକ ଉଚ୍ଚ ବିଦ୍ୟାଳୟରେ ଶିକ୍ଷକତା କରିଥିଲେ । ସେ ଚାକିରିରୁ ଅଵସର ଗ୍ରହଣ କରିବା ପରେ ବିଭିନ୍ନ ସାମାଜିକ କାର୍ଯ୍ୟରେ ନିଜକୁ ନିୟୋଜିତ କରିଥିଲେ । ତାଙ୍କ ମୃତ୍ୟୁ ଖବର ପ୍ରଚାରିତ ହେବାକ୍ଷଣି ପୁରାତନ ଛାତ୍ର ଭରତ ବେହେରା ଶିକ୍ଷକ ନୀଳକଣ୍ଠ ଦାଶ, ଆଇନଜୀବୀ ପ୍ରଦୀପ ପଟ୍ଟନାୟକ, କଳାପଥର ପୂଣ୍ୟ ଉତ୍କଳ ଶାଖାର ସଭାପତି ମୁକେଶ କୁମାର ସାହୁଙ୍କ ସମେତ ବହୁଲୋକ ଉପସ୍ଥିତ ରହି ସ୍ୱର୍ଗତଙ୍କ ଶବ କଳାପଥର ଧଳାପଥର ବାଳକ ଉଚ୍ଚ ବିଦ୍ୟାଳୟ ସମେତ କଳାପଥର ଗ୍ରାମ ପରିକ୍ରମା କରି ନିଜ ଜନ୍ମମାଟି ପର୍ଶୁରାମପୁରରେ ଅନ୍ତେଷ୍ଟିକ୍ରିୟା ସମାପନ ହୋଇଥିଲା ।