ଅଜଗର ଠାରୁ ଲୋକ ଉଦ୍ଧାର କଲେ ମୃତ ଛେଳି

ଅଜଗର ଠାରୁ ଲୋକ ଉଦ୍ଧାର କଲେ ମୃତ ଛେଳି
ଖୋର୍ଦ୍ଧା, ତା୨୮/୮- ବେଗୁନିଆ ବ୍ଲକ ଦେଉଳି ପଞ୍ଚାୟତ ଅନ୍ତର୍ଗତ ଦଲକ ଗ୍ରାମର କୁସୁନି ସାହୁ ନିଜର ଛେଳି ଗୁଡିକୁ ପ୍ରତିଦିନ ଚରାଇବା ପାଇଁ ନିକଟସ୍ଥ ହନୁମନ୍ତିଆ ଜଙ୍ଗଲକୁ ଯାଇଥାନ୍ତି । ଶୁକ୍ରବାର ଦିନ ମଧ୍ୟାହ୍ନରେ ଜଙ୍ଗଲ ଭିତରେ ଥିବା ଡ୍ୟାମ ନିକଟରେ ଛେଳି ଗୁଡିକୁ ଚରାଉଥିବା ସମୟରେ ୧୫ଫୁଟ ଲମ୍ବ ବିଶିଷ୍ଟ ଏକ ଅଜଗର ଆସି ଛେଳି ପଲ ଭିତରୁ ଗୋଟିଏ ଛେଳିକୁ ସମ୍ପୂର୍ଣ୍ଣ ଗିଳି ପକାଇବାକୁ ଉଦ୍ୟମ ଆରମ୍ଭ କରିଥିଲା । ଏହି ଛେଳି ଗୁଡିକ ଚିତ୍କାର ଶୁଣି ଶ୍ରୀ ସାହୁ ଏହା ଦେଖି ଜୋରରେ ପାଟିକରି ସ୍ଥାନୀୟ ଲୋକମାନଙ୍କୁ ଡାକ ପକାଇଥିଲେ । ତାଙ୍କର ପାଟିଟିଶୁଣି ସ୍ଥାନୀୟ ଲୋକମାନେ ପହଁଚି ଅଜଗର ପାଟିରୁ ଛେଳି ଛଡ଼ାଇବାକୁ ଆରମ୍ଭ କରିଥିଲେ ।ସେହି ଛେଳିଟିକୁ ମୃତ୍ୟୁ ଅବସ୍ଥାରେ ଉଦ୍ଧାର କରି ଅଜଗରଟିକୁ ଜଙ୍ଗଲ ଭିତରେ ଛାଡି ଦେଇଥିବାର ଜଣା ପଡିଛି ।