ବିଜେପି ପକ୍ଷରୁ ବେଗୁନିଆ ଥାନାରେ ଅଭିଯୋଗ
ଖୋର୍ଦ୍ଧା, ତା୧୨/୧୦- ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ କୋଭିଡ-୧୯ ନିୟମକୁ ଉଲଂଘନ କରିଥିବାରୁ ତାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ପାଇଁ ପୂର୍ବରୁ ବିଜେଡି ପକ୍ଷରୁ ଅଭିଯୋଗ କରାଯାଇଥିଲା । ଏହାର ପ୍ରତିବାଦ ସ୍ବରୂପ ବିଜେପିର ଖୋର୍ଦ୍ଧା ଜିଲ୍ଲା ସାଧାରଣ ସମ୍ପାଦକ ପ୍ରକାଶ ବିଜୁଳିଙ୍କ ନେତୃତ୍ୱରେ ସୋମବାର ସନ୍ଧ୍ୟାରେ ପୂର୍ବତନ ପ୍ରଶାସକ ଅରୂପ ପଟ୍ଟନାୟକ ଓ ତାଙ୍କ ସହଯୋଗୀଙ୍କ ନାମରେ ବେଗୁନିଆ ଥାନାରେ କୋଭିଡ ନିୟମ ଉଲଘଂନ କରିଛନ୍ତି ବୋଲି ଗଡମାଣିତୀର ଗ୍ରାମର ଇନ୍ଦ୍ରମଣି ଜୟସିଂହ ଅଭିଯୋଗ ହୋଇଛି ।
ଘଟଣାରୁ ପ୍ରକାଶ ଯେ ବେଗୁନିଆ ନିର୍ବାଚନ ମଣ୍ଡଳୀର ଗଡମାଣିତୀର ତଥା ଆଖପାଖ ଅଞ୍ଚଳରେ ସ୍ୱରୁପ ପଟ୍ଟନାୟକ ଏବଂ ତାଙ୍କ ସହଯୋଗୀମାନେ ଗତ ୨ ତାରିଖ ଦିନ ସାମାଜିକ ଦୂରତ୍ୱ ଓ ମାସ୍କ ନ ପିନ୍ଧି ବିଭିନ୍ନ ଲୋକମାନଙ୍କ ସହ ମିଳାମିଶା କରିଛନ୍ତି । ଏହାଦ୍ୱାରା ସ୍ଥାନୀୟ ଅଞ୍ଚଳରେ ମହାମାରୀ କରୋନା ରୋଗ ବ୍ୟାପିବାର ଯଥେଷ୍ଟ ସମ୍ଭାବନା ରହିଛି ।ଏଥିପାଇଁ ସ୍ଥାନୀୟ ପ୍ରଶାସନ ଅଭିଯୋଗ ଅନୁଯାୟୀ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଦାବି କରିଛନ୍ତି ।
