Wednesday, October 28, 2020
Home ଆସ ଭଲ ମଣିଷ ହେବା ନିର୍ଭୀକ ଏବଂ ସାହସୀ..

ନିର୍ଭୀକ ଏବଂ ସାହସୀ..

ନିର୍ଭୀକ ଏବଂ ସାହସୀ..

ଗାଁରେ ଆମର ଥିବା ଜମି(କ୍ଷେତ) ମଧ୍ୟରୁ ଗୋଟେ ଜମିର ନାମ କଇଁଥ କିଆରୀ।ବୋଧହୁଏ ପୂର୍ବରୁ ସେହି ଅଞ୍ଚଳରେ ଅନେକ କଇଁଥ ଗଛ ଥିବ,ସେଥିପାଇଁ ସେହି କିଆରୀର ନାମ କଇଁଥ ହୋଇଥିବ।ଯେହେତୁ ପାରିବାରିକ ବେଉସା ଆମର ଚାଷ।ତେଣୁ ପିଲାବେଳେ ମୁଁ ବହୁଥର କିଆରୀକୁ ଧାନକାଟି,ଧାନ ଗୋଟେଇ,ମୁଗ କିମ୍ବା ବିରି ଉପାଡି ଯାଏ।

ଚତୁର୍ଥ କିମ୍ବା ପଞ୍ଚମ ଶ୍ରେଣୀରେ ପଢିଲା ବେଳେ ମୁଁ ସେହି କିଆରୀକୁ ମୋ ବାପା(ଜେଜେ)ଙ୍କ ସହିତ ଧାନ କାଟିବାକୁ ଯାଇଥାଏ।ବାପା ମତେ ସେହି ଧାନ କଟାବେଳେ ଛୋଟଛୋଟ ଗପ କୁହନ୍ତି ନହେଲେ ବିଭିନ୍ନ ଦ୍ଵନ୍ଦ ଦୂର କରନ୍ତି।ଆଉ ହଁ, ମାଗଣା ଧାନ କାଟିବାକୁ ମୁଁ ଯାଉନଥିଲି।ସର୍ତ୍ତଥିଲା ମୁଁ କାଟୁଥିବା ପ୍ରତି ବିଡା ପିଛା ୩୦ପଇସା ପାରିଶ୍ରମିକ।😀😀

ସେଦିନ ଧାନ କାଟୁଥିବା ବେଳେ ମୁଁ ହଠାତ ପଚାରିଦେଲି “ବାପା,ଏ ନିର୍ଭୀକ ଏବଂ ସାହସୀ ହେବା ଭିତରେ ଫରକ କଣ?”
ବାପା କହିଲେ “ତୁ କହ”।
ମୁଁ୫/୧୦ ମିନିଟ ଭାବିବା ପରେ କହିଲି “ମୁଁ ଜାଣିପାରୁନି,ତମେ କୁହ”।
ସେ ଟିକେ ହସିଲେ ଏବଂ କହିଲେ “ନିର୍ଭୀକ ହେବା ସହଜ କିନ୍ତୁ ସାହସୀ ହେବା କଷ୍ଟ”!!!
ମୁଁ ତାପରେ କହିଲି ” ଓଃ, ତାହେଲେ ନିର୍ଭୀକ ହେବା ହେଉଛି ପ୍ରଥମ ପର୍ଯ୍ୟାୟ ଏବଂ ସାହସୀ ହେବା ହେଉଛି ଦ୍ଵିତୀୟ ପର୍ଯ୍ୟାୟ”।
ସେ କହିଲେ “ନା ନା,ସମ୍ପୂର୍ଣ୍ଣ ଓଲଟା।ସାହସୀ ହେବା ହେଉଛି ପ୍ରଥମ ପର୍ଯ୍ୟାୟ ଏବଂ ନିର୍ଭୀକ ହେବା ହେଉଛି ଦ୍ଵିତୀୟ ପର୍ଯ୍ୟାୟ”!!!

ମୁଁ ଆଶ୍ଚର୍ଯ୍ୟ ହେଲି ଏବଂ ସନ୍ଦେହରେ କହିଲି “ବାପା ଯଦି ଜଣେ ପ୍ରଥମ ଶ୍ରେଣୀ ପାସ ନହେଇଥିବ ତାହେଲେ ଦ୍ଵିତୀୟ ଶ୍ରେଣୀ କେମିତି ପାସ ହେବ”?!!!ତେଣୁ ପ୍ରଥମ ପର୍ଯ୍ୟାୟ ସବୁବେଳେ ଦ୍ଵିତୀୟ ପର୍ଯ୍ୟାୟ ଅପେକ୍ଷା ସହଜ ହେବା କଥା”।
ସେ ପୁଣି ହସିଲେ ଆଉ କହିଲେ “ଜୀବନର ସବୁ ଅଙ୍କରେ ଶ୍ରେଣୀ ଗଣିତ କାମ କରେନି”!!
ମୁଁ କହିଲି “ତେବେ??”

“ଯେକୌଣସି ସାହସୀ ବ୍ୟକ୍ତି ନିର୍ଭୀକ ଭାବରେ ସମସ୍ତଙ୍କର ସାମ୍ନା କରିପାରେ।ଭୁଲକୁ ଭୁଲ କହିପାରେ ଆଉ ଠିକକୁ ଠିକ।କାରଣ ସେହି ବ୍ୟକ୍ତିଟି ନିଜକୁ ଚିନ୍ହିଥାଏ,ଜାଣିଥାଏ କି ସେ ସାହସୀ,ସେ କିଛି ବି କରିପାରେ। କିନ୍ତୁ ଗୋଟେ ସାଧାରଣ ବ୍ୟକ୍ତିଟିଏ ସାହସୀ ହେବାକୁ ହେଲେ ତାକୁ ‘ସାହସ’କୁ ଏକଜୁଟ କରିବାକୁ ପଡିଥାଏ।ନିଜେ ନିଜକୁ ଜାଣିବାକୁ ପଡିଥାଏ।ନିଜ ଭିତରେ ଥିବା ଭୟକୁ ଦୂର କରିବାକୁ ପଡିଥାଏ।ନିଜ ସହିତ ବାରମ୍ବାର ଲଢିଲା ପରେ ହିଁ ଜଣେ ସାଧାରଣ ବ୍ୟକ୍ତି ସାହସୀ ହୋଇଥାଏ।”

“ଯେମିତିକି ପହଁରା ଜାଣିଥିବା ବ୍ୟକ୍ତି ନଦୀ ଉପରେ ରାଜୁତି କରିଥାଏ କିନ୍ତୁ ପାଣି(ଜଳ)ର ଭୟ ସିନା ଦୂର ହେଲେ ବ୍ୟକ୍ତିଟିଏ ନଦୀରେ ପଶେ ଏବଂ ପରବର୍ତ୍ତୀ ମୁହୂର୍ତ୍ତରେ ପହଁରା ଶିଖି ନଦୀ ଉପରେ ରାଜୁତି କରେ।ଯଦି ମୂଳରୁ ହିଁ ସେହି ବ୍ୟକ୍ତିଟି ନଦୀଜଳକୁ ଡରି ନଦୀ ଭିତରେ ପଶିନଥାନ୍ତା ତେବେ..??”
“ଆଉ ହଁ,ସବୁ ସାହସୀ ବ୍ୟକ୍ତି ଯେ ନିର୍ଭୀକ ତା ନୁହେଁ,କିନ୍ତୁ ଗୋଟେ ବ୍ୟକ୍ତିକୁ ସାହସୀରୁ ନିର୍ଭୀକ ହେବା ପାଇଁ ଯେତେ କଠିନ ଲାଗେ ତାକୁ ସାଧାରଣରୁ ସାହସୀ ହେବ ପାଇଁ ଅଧିକ କଠୋର ରାସ୍ତା ଅତିକ୍ରମ କରିବାକୁ ପଡିଥାଏ।ତେଣୁ ନିର୍ଭୀକ ହେବା ସହଜ କିନ୍ତୁ ସାହସୀ ହେବା କଷ୍ଟ”।

ଗପ ସରିଲା ବେଳକୁ ସେଦିନ ସମୟ ହୋଇସାରିଥିଲା ଲେଉଟାଣୀର।ମୁଁ ଗଣିଦେଲି ଯେ ୪ଟା ବିଡା ଧାନ କାଟିଛି।ବାପା ମତେ ଆଜି ତମେ ୧ଟଙ୍କା୨୦ ପଇସା ଦେବ…।

ଆରେ ଠିକସେ ହିସାବ କରିଛୁ ଟି..???…….

ଆଜି ହନୁମାନଙ୍କ ଜୟନ୍ତୀ।
ହେ ପ୍ରଭୁ..
ସାହସୀ କର ଏବଂ ନିର୍ଭୀକ ମଧ୍ୟ।
ଜୟ ହନୁମାନ।

LEAVE A REPLY

Please enter your comment!
Please enter your name here

- Advertisment -

ସାମାଜିକ

ବିଜେପି ପକ୍ଷରୁ ବେଗୁନିଆ ଥାନାରେ ଅଭିଯୋଗ

ବିଜେପି ପକ୍ଷରୁ ବେଗୁନିଆ ଥାନାରେ ଅଭିଯୋଗ ଖୋର୍ଦ୍ଧା, ତା୧୨/୧୦- ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ କୋଭିଡ-୧୯ ନିୟମକୁ ଉଲଂଘନ କରିଥିବାରୁ ତାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ପାଇଁ ପୂର୍ବରୁ ବିଜେଡି...

ବିଜେପି ଯୁବମୋର୍ଚ୍ଚା ପକ୍ଷରୁ ରକ୍ତଦାନ ଶିବିର,୩୧ ୟୁନିଟ ସଂଗ୍ରହ

ଖୋର୍ଦ୍ଧା, ତା୧୨/୧୦-ବେଗୁନିଆ ବ୍ଲକ ଅନ୍ତର୍ଗତ ଗଡମାଣିତୀର ପଞ୍ଚାୟତର ପ୍ରାଥମିକ ବିଦ୍ୟାଳୟ ପରିସରରେ ବିଜେପି ଯୁବ ମୋର୍ଚ୍ଚା ପକ୍ଷରୁ ଏକ ସ୍ବେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି ।ଏଥିରୁ ମୋଟ...

ବିଜେପି ନେତାଙ୍କ ବିବାଦୀୟ ବୟାନ…ବକବାଃସ ବିଜେପି…

ବିଜେପି ନେତାଙ୍କ ବିବାଦୀୟ ବୟାନ… ଭାରତୀୟ ପରମ୍ପରାର ତଥାକଥିତ ରକ୍ଷକ ବୋଲି ଦାବି କରୁଥିବା ବିଜେପି ନେତାମାନେ କିଭଳି ବଡ଼ମାନଙ୍କର ଅସମ୍ମାନ କରନ୍ତି ଏବଂ ବିବାଦୀୟ...

ଅର୍ଥ ଲଗାଣକାରୀ ସଂସ୍ଥାର ଦେୟଦେବା ସମୟ ବୃଦ୍ଧି ନିମନ୍ତେ ଦାବୀ ପତ୍ର

ଅର୍ଥ ଲଗାଣକାରୀ ସଂସ୍ଥାର ଦେୟଦେବା ସମୟ ବୃଦ୍ଧି ନିମନ୍ତେ ଦାବୀ ପତ୍ର ଖୋର୍ଦ୍ଧା,୨/୯- ବେଗୁନିଆ ବ୍ଲକରେ ବିଭିନ୍ନ ଅର୍ଥ ଲଗାଣକାରୀ ସଂସ୍ଥା ଗୁଡିକ ମହିଳା ସ୍ୱୟଂ ସହାୟକ ଗୋଷ୍ଠୀ ଗୁଡିକୁ...