Thursday, April 15, 2021
Home ଖବର ସାରା ବିଶ୍ବକୁ କରୋନା ଅନ୍ଧାର ଦିଶାହରା କରିସାରିଥିବା ବେଳେ, ମୁଁ ଆଲୋକର ସନ୍ଧାନରେ..

ସାରା ବିଶ୍ବକୁ କରୋନା ଅନ୍ଧାର ଦିଶାହରା କରିସାରିଥିବା ବେଳେ, ମୁଁ ଆଲୋକର ସନ୍ଧାନରେ..

(ସାରା ବିଶ୍ବକୁ କରୋନା ଅନ୍ଧାର ଦିଶାହରା କରିସାରିଥିବା ବେଳେ, ମୁଁ ଆଲୋକର ସନ୍ଧାନରେ, ସୂର୍ଯ୍ୟୋଦୟ ଅପେକ୍ଷାରେ। ଆଶା କରେ ମୋର ଏହି କବିତା ଆପଣଙ୍କୁ ବି ନୂଆ ଆଶା ଦେବ ଆଗାମୀ କାଲି ପାଇଁ)

ସୂର୍ଯ୍ୟୋଦୟ ଅପେକ୍ଷାରେ
******************

ଦିନେ ସୂରୁଜ ଉଇଁବ ନୂଆ ସନ୍ଦେଶଟେ ଧରି
ଅଜଣା ରାଇଜେ ପୁଣି ଅନ୍ଧାର ଯାଇଛି ଫେରି
ସବୁ ଭୟ ପୋଛିଦେବ କଅଁଳ କିରଣ
ମୋ ଛାତିର ସ୍ପନ୍ଦନତକ ଯିବା ଆଗୁ ମରି ।

ନା ନିଶ୍ବାସରେ ବାଧା ଥିବ, ନା ପବନରେ ବିଷ
ସମସ୍ତଙ୍କ ଓଠେ ଥିବ ଆଶ୍ବସ୍ତିର ହସ
ଆଉ ଅସ୍ପୃଶ୍ୟ ନଥିବେ ମୋର ବନ୍ଧୁ ପରିଜନ
ନିଃସଙ୍କୋଚେ ଯୋଡ଼ିବି ହୃଦୟ ଆଲିଙ୍ଗନ କରି ।

ଘର ଆଗୁ ଲିଭିଥିବ ଲକ୍ଷ୍ମଣର ରେଖା
ନଥିବ କରୋନାସୁର ଦେବା ପାଇଁ ଧୋକା
ଭୟ ଦ୍ବିଧା ଆଶଙ୍କାକୁ ପଛକୁ ଫୋପାଡ଼ି
ଧାଇଁଯିବି ମୃଗ ପଛେ ଆଶା ମେଞ୍ଚେ ଧରି ।

ନ ମରି ବି ପାଇଥିବି ପୁନର୍ଜନ୍ମ ଏକ
ବୁଝିଥିବି ବଞ୍ଚିବା ହିଁ ଏକମାତ୍ର ସୁଖ,
ଧନ, ବଳ, ସବୁ କିଛି ମିଛ ପ୍ରହସନ
ସବୁଠାରୁ ଦାମୀ ଅଟେ ସ୍ବାସ୍ଥ୍ୟ ଓ ସଂପର୍କ ।

ହେଜିଥିବି ଆମେ ସବୁ କେତେ ଯେ ଦୁର୍ବଳ
ମଣିଷ ଧୂଳିସମ, ପ୍ରକୃତି ପର୍ବତମାଳ
ଯେତେ ସବୁ ଅହଂକାର, ଯେତେ ବାହାସ୍ଫୋଟ
ଅଛି ଜଣେ, ଯାହା ପାଇଁ, ସବୁ ବାଲିଖେଳ ।

ନିୟତିର ବାଲିଖେଳ ଯେବେ ଯିବ ସରି
ସୁରୂଜ ଉଇଁବ ନୂଆ ସନ୍ଦେଶଟେ ଧରି
ରାତି ସ୍ବପ୍ନ ପାଲଟିବ ଭୂତାଣୁ ବିପତ୍ତି
ସକାଳୁ ସବୁ ଥିବ, ଠିକ୍ ପୂର୍ବ ପରି ।

ଦିନେ ସୂରୁଜ ଉଇଁବ ନୂଆ ସନ୍ଦେଶଟେ ଧରି
ଅଜଣା ରାଇଜେ ପୁଣି ଅନ୍ଧାର ଯାଇଛି ଫେରି
ସବୁ ଭୟ ପୋଛିଦେବ କଅଁଳ କିରଣ
ମୋ ଛାତିର ସ୍ପନ୍ଦନତକ ଯିବା ଆଗୁ ମରି ।

LEAVE A REPLY

Please enter your comment!
Please enter your name here

- Advertisment -

ସାମାଜିକ

ସଲମାନ୍‌ଙ୍କୁ କାହିଁକି ପସନ୍ଦ କରନ୍ତିନି ବିରାଟ କୋହଲି ..!!??

ସଲମାନ୍‌ଙ୍କୁ କାହିଁକି ପସନ୍ଦ କରନ୍ତିନି ବିରାଟ କୋହଲି ..!!?? ସୋସିଆଲ ମିଡିଆରେ ଏବେ ସଲମାନ ଖାଁ,ଅନୁଷ୍କା ଏବଂ ବିରାଟ କୋହଲିଙ୍କୁ ନେଇ ଚର୍ଚ୍ଚା।କୁହାଯାଉଛି ଯେ ସଲମାନଙ୍କୁ...

ମନ୍ଦିର ପରିସର ସଫା କଲେ ସ୍ବେଛାସେବୀ

ଖୋର୍ଦ୍ଧା, ତା୧୦/୧୧-ବାଙ୍କୀ ଉପଖଣ୍ଡ ଅନ୍ତର୍ଗତ ବୈଦେଶ୍ୱରସ୍ଥିତ ସର୍ବପୁରାତନ ଐତିହ୍ୟ ମନ୍ଦିର ଶ୍ରୀ ଶ୍ରୀ ରାମନାଥଦେବଙ୍କ ମନ୍ଦିର ଓ ଦୁର୍ଗା ମନ୍ଦିରକୁ ସାପ୍ତାହିକ ଖବରକାଗଜ ଭୋକିଲା ପେଟ ଓ ଲୋକ...

ହାତୀ ଦଳିଦେଲା ଧାନ ଫସଲ, ଚିନ୍ତାରେ ଚାଷୀ

ଖୋର୍ଦ୍ଧା, ତା୨/୧୧- ଫସଲ ଅମଳ ସମୟ ପୂର୍ବରୁ ବେଗୁନିଆ ବ୍ଲକ ଦେଉଳି ପଞ୍ଚାୟତ ଅନ୍ତର୍ଗତ ଗୋଡ଼ା ଗ୍ରାମରେ ୪ ଗୋଟି ବଣୁଆ ହାତୀ ୩ ଏକରରୁ ଉର୍ଦ୍ଧ୍ବ ଧାନ...

ସଂକୀର୍ତନ ବାୟକଙ୍କ ପରଲୋକ

ଖୋର୍ଦ୍ଧା, ତା୨୦/୧୦-ବେଗୁନିଆ ବ୍ଲକ ବଡ଼ବେରଣା ପଞ୍ଚାୟତ ଅନ୍ତର୍ଗତ କୋଲୁହାପାଟଣା ଗ୍ରାମର ସଂକୀର୍ତନ ବାୟକ ହରିବନ୍ଧୁ ବେହେରା(୮୦)ଙ୍କର ହୃଦଘାତରେ ମଙ୍ଗଳବାର ପୂର୍ବାହ୍ନରେ ନିଜ ବାସଭବନରେ ପରଲୋକ ଘଟିଯାଇଛି ।ସେ ଜଣେ...