ସୀତା@୫୪
ଦୀପିକା ଚିଖାଲିଆ।୯୦ଦଶକରେ ପ୍ରସାରିତ ରାମାନନ୍ଦ ସାଗରଙ୍କ ରାମୟଣରେ ମାତା ସୀତାଙ୍କ ଭୂମିକାରେ ଅଭିନୟ କରିଥିଲେ ଦୀପିକା।ସୀତା ଚରିତ୍ରରେ ଅଭିନୟ କରି ସେ ଘରେ ଘରେ ପରିଚିତ ହୋଇପାରିଥିଲେ। ଆଜି ୫୪ବର୍ଷରେ ପଦ ଥାପିଛନ୍ତି ଅଭିନେତ୍ରୀ ଦୀପିକା ଓରଫ ମାତା ସୀତା।
ରାମାୟଣରେ ସୀତା ଭୂମିକାରେ ଅଭିନୟ କରି ଦର୍ଶକଙ୍କ ମନରେ ନିଜର ଏକ ସ୍ୱତନ୍ତ୍ର ଘର ତିଆରି କରିପାରିଥିଲେ। ସେ ଯେଉଁ ସ୍ଥାନକୁ ଯାଉଥିଲେ ଲୋକମାନେ ତାଙ୍କୁ ଦେବୀଙ୍କ ପରି ସମ୍ମାନ ଦେବା ଆରମ୍ଭ କରିଥିଲେ| ୧୯୬୫, ଏପ୍ରିଲ ୨୯ରେ ମହାରାଷ୍ଟ୍ରରେ ଜନ୍ମ ହୋଇଥିଲେ ଦୀପିକା। ଫିଲ୍ମ ‘ଚିଖ୍’ ଥିଲା ତାଙ୍କର ପ୍ରଥମ ବଲିଉଡ ପଦାର୍ପଣ। ଏହାପରେ ବିଭିନ୍ନ ସିରିଏଲରେ ସେ ଅଭିନୟ କରିଥିଲେ।
ଦୀପିକା ୧୯୮୩ ମସିହାରେ ଫିଲ୍ମ ‘ସୁନ୍ ମେରୀ ଲୖଲା ’ରୁ ଫିଲ୍ମ କ୍ୟାରିୟର ଆରମ୍ଭ କରିଥିଲେ। ଏହା ପରେ ସେ ‘ଭଗବାନ୍ ଦାଦା’ (୧୯୮୬), ‘ଆଶା ଓ ଭାଲୋବାଶା’ (ବଙ୍ଗଳା, ୧୯୮୯), ‘ଖୁଦାଇ’ (୧୯୯୪) ଭଳି ଫିଲ୍ମରେ ଅଭିନୟ କରିଥିଲେ।
ହେମନ୍ତ ଟୋପିୱାଲା ନାମକ ଜଣେ ବ୍ୟବସାୟୀଙ୍କୁ ବିବାହ କରିଥିଲେ ଦୀପିକା। ହେମନ୍ତ ହେଉଛନ୍ତି ଏକ କସମେଟିକ୍ କମ୍ପାନିର ମାଲିକ। ଦୀପିକା ଏବଂ ହେମନ୍ତଙ୍କର ଦୁଇଟି ଝିଅ ଅଛନ୍ତି ନିଧି ଟୋପିୱାଲା ଏବଂ ଜୁହି ଟୋପିୱାଲା।
ଦୀପିକା ବର୍ତ୍ତମାନ ତାଙ୍କ ସ୍ୱାମୀଙ୍କ କମ୍ପାନୀର ମାର୍କେଟିଂ ଟିମ୍ ମୁଖ୍ୟ ଅଛନ୍ତି। ନିକଟରେ ଫିଲ୍ମ ‘ବାଲା’ରେ ତାଙ୍କୁ ଦେଖିବାକୁ ମିଳିଥିଲା। ଏଥିରେ ସେ ମା’ ଭୂମିକାରେ ଅଭିନୟ କରିଥିଲେ।।
ଆପଣମାନେ ଜାଣି ଆଶ୍ଚର୍ଯ୍ୟ ହେବେ ଯେ ରାଜନୀତି ପ୍ରତି ମଧ୍ୟ ଦୀପିକଙ୍କର ରୁଚି ରହିଛି ଏବଂ ସେ ପ୍ରତ୍ୟେକ୍ଷ ନିର୍ବାଚନରେ ଜିତି ସାଂସଦ ମଧ୍ୟ୍ୟ ହୋଇଛନ୍ତି। ୧୯୯୧ ନିର୍ବାଚରେ ଭାରତୀୟ ଜନତା ପାର୍ଟି ତରଫରୁ ଲଢ଼ି ସେ ଗୁଜୁରାଟର ଭଦୋଦରାରୁ ସାଂସଦ ହୋଇଥିଲେ।
