ବେଙ୍ଗାଲୁରୁରେ ଶୁଣିବାକୁ ମିଳିଲା ଭୟଙ୍କର ଶବ୍ଦ..ଶବ୍ଦ ପଛର ରହସ୍ୟ ଏବେ ମଧ୍ୟ ରାହାସ୍ୟାବୃତ୍ତ..
ସାରା ଦେଶରେ ମହାମାରୀ କରୋନାର ମୁକାବିଲା ଜାରି ରହିଛି। ତେବେ ଏହାରି ଭିତରେ କର୍ଣ୍ଣାଟକର ରାଜଧାନୀ ବେଙ୍ଗାଲୁରୁରେ ଆଜି ଅପରାହ୍ଣରେ ହଠାତ୍ ଏକ ଭୟଙ୍କର ଶବ୍ଦ ଶୁଣିବାକୁ ମିଳିଥିଲା। ଯାହାକୁ
ନେଇ ଲୋକଙ୍କ ମଧ୍ୟରେ ଆତଙ୍କ ଖେଳି ଯାଇଛି।
ତେବେ ଏହି ଶବ୍ଦ କ’ଣ ଥିଲା ଓ କେଉଁଠୁ ଆସିଲା, ବର୍ତ୍ତମାନ ସୁଦ୍ଧା ତାହା ସ୍ପଷ୍ଟ ହୋଇନାହିଁ। କିଛି ଲୋକ ଆଶଙ୍କା କରୁଥିଲେ ଯେ ଭୂକମ୍ପ ଯୋଗୁଁ ଏଭଳି ଶବ୍ଦ ହୋଇଥାଇ ପାରେ। କିନ୍ତୁ ଏହି ଶବ୍ଦ ଭୂକମ୍ପ କାରଣରୁ ସୃଷ୍ଟି ହୋଇ ନ ଥିବା କର୍ଣ୍ଣାଟକର Natural disaster monitoring centre ପକ୍ଷରୁ କୁହାଯାଇଛି। ଶବ୍ଦଟି ବହୁତ ଜୋରରେ ଥିଲା ବୋଲି ସ୍ଥାନୀୟ ଲୋକେ କହିଛନ୍ତି।
ଖବର ଅନୁସାରେ, ପାଖାପାଖି ଅପରାହ୍ଣ ସାଢେ ୧ଟା ସମୟରେ ସାରଜାପୁର, କଲ୍ୟାଣ ନଗର, ସେଣ୍ଟ୍ରାଲ ବେଙ୍ଗାଲୁରୁର ଏମଜି ରୋଡ, ମାରାଥାଲ୍ଲୀ, ଏୟାରପୋର୍ଟ ଅଞ୍ଚଳ, ହ୍ବାଇଟଫିଲ୍ଡ ଓ Hebbagodiରେ ଏହି ଶବ୍ଦ ଶୁଣିବାକୁ ମିଳିଥିଲା। ଏପରିକି ଆଇଟି ହବ୍ କୁହାଯାଉଥିବା ଇଲେକ୍ଟ୍ରୋନିକ ସିଟିରେ ମଧ୍ୟ ଏହି ଶବ୍ଦ ଶୁଣିବାକୁ ମିଳିଥିଲା।
ଏପର୍ଯ୍ୟନ୍ତ ଏହି ଘଟଣାରେ କୌଣସି କ୍ଷୟକ୍ଷତି ନେଇ ରିପୋର୍ଟ ସାମ୍ନାକୁ ଆସି ନାହିଁ। ଏହି ଘଟଣାକୁ ନେଇ ସ୍ଥାନୀୟ ପୁଲିସ ପକ୍ଷରୁ କୁହାଯାଇଛି, ଏହି ଶବ୍ଦ ଯୋଗୁ ଭୂପୃଷ୍ଠରେ ସେମିତି କିଛି ଏହାର ପ୍ରଭାବ ଦେଖିବାକୁ ମିଳିନାହିଁ। କିନ୍ତୁ ଏହି ଘଟଣାକୁ ନେଇ ସୋସିଆଲ ମିଡିଆରେ ଅନେକ ପ୍ରକାରର ଚର୍ଚ୍ଚା ଆରମ୍ଭ ହୋଇଯାଇଛି।
