ଏ ଗ୍ରେଡ କଳାକାର ଭାବରେ ମାନ୍ୟତା ପାଇଲେ ପାଲା ଗାୟକ
ଖୋର୍ଦ୍ଧା, ତା୨୨/୭- ଅଲ ଇଣ୍ଡିଆ ରେଡ଼ିଓ ଦ୍ୱାରା ଗତ। ୧୬ ତାରିଖ ଦିନ ଓଡ଼ିଶାର ଅନ୍ୟତମ ଲୋକକଳା ପାଲାର ଗାୟକ/ଗାୟିକା ମାନଙ୍କ ପାଇଁ ଅନୁଷ୍ଠିତ ହୋଇଥିବା ପ୍ରଦର୍ଶନ ପରୀକ୍ଷାରେ ବେଗୁନିଆ ଥାନା ଅନ୍ତର୍ଗତ ଗେଡି଼ଆପଲ୍ଲୀ ଗ୍ରାମର ବାଣୀଶ୍ରୀ କଳାନିକେତନର ପ୍ରତଷ୍ଠାତା ଗାୟକ ଖଗେଶ୍ୱର ମାର୍ଥା ଜଣେ ଏ ଗ୍ରେଡ କଳାକାର ଭାବରେ ମାନ୍ୟତା ପାଇବାରେ ସମର୍ଥ ହୋଇଛନ୍ତି । ଫଳରେ ଗାୟକ ଶ୍ରୀ ମାର୍ଥା ଅଲ ଇଣ୍ଡିଆ ରେଡ଼ିଓ ଦ୍ୱାରା ଆୟୋଜିତ ରେକଡିଂ କାର୍ଯ୍ୟକ୍ରମରେ ଅଂଶ ଗ୍ରହଣ କରିବା ସହ ପ୍ରସାରଣରେ ସହାୟକ ହୋଇପାରିବ ।
ପ୍ରକାଶ ଥାଉକି,ଗତବର୍ଷ ଭାରତ ସରକାରଙ୍କ ସଂସ୍କୃତି ମନ୍ତ୍ରଣାଳୟ ସିସିଆରଟି ପକ୍ଷରୁପାଲା କ୍ଷେତ୍ରରେ ଉର୍ଚ୍ଚତର ଗବେଷଣା କରିବା ପାଇଁ ମନୋନୀତ ହେବା ସହ ଆର୍ଥିକ ସହାୟତା ରାଶି ପ୍ରଦାନ କରାଯାଇଛି । ତାଙ୍କର ଏହି ସଫଳତାରେ ସ୍ଥାନୀୟ ଅଞ୍ଚଳର ବହୁ କଳାକାର,ବୁଦ୍ଧିଜୀବୀ ଓ ସଂସ୍କୃତିପ୍ରେମୀ ମାନଙ୍କ ମନରେ ଆନନ୍ଦର ଲହରୀ ଖେଳିଯାଇଛି ।
