ଓମ ଶାନ୍ତି ଆଶ୍ରମ କବଜାରେ ପୁରାତନ ରାଜସ୍ୱ ବଙ୍ଗଳା
ଖୋର୍ଦ୍ଧା, ତା୨୩/୭-ପ୍ରଶାସନିକ ଅଧିକାରୀଙ୍କ ଅପାରଗତା ଯୋଗୁଁ ବେଗୁନିଆ ଥାନା ନିକଟରେ ଥିବା ଉର୍ଚ୍ଚ ପଦାଧିକାରୀ ମାନଙ୍କ ରହଣୀ ପାଇଁ ସର୍ବପୁରାତନ ବେଗୁନିଆ ରାଜସ୍ୱ ବଙ୍ଗଳା ନିର୍ମାଣ କରାଯାଇଥିଲା । ଯାହାକି ଏବେ ଏହା ଏକ ଧାର୍ମିକ ଅନୁଷ୍ଠାନ ଓମ ଶାନ୍ତି ଆଶ୍ରମର କର୍ତ୍ତୃତ୍ୱରେ ରହିଛି,ଏଥିପାଇଁ କୌଣସି କାର୍ଯ୍ୟାନୁଷ୍ଠାନ ନେବାତ ଦୂରର କଥା ପଦାଧିକାରୀଙ୍କର ବାହୁ ଛାୟା ତଳେ ରହିଥିବାର ସୂଚନା ମିଳୁଛି ।ଏହାକୁ କେବେ ଉଛେଦ କରାଯାଇ ସରକାରଙ୍କ ରାଜସ୍ୱକୁ ରକ୍ଷା କରା ଯାଇ ପାରିବ ତାହା ଜନସାଧାରଣ ଚାହିଁ ବସିଛନ୍ତି ।
ସରକାରଙ୍କ ପକ୍ଷରୁ ସମସ୍ତ ସରକାରୀ ଜବର ଦଖଲକାରୀଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନିଆ ଯାଉଥିବା ବେଳେ ଏହି ବଙ୍ଗଳା ଉପରେ ଜବର ଦଖଲ କରିଥିବା ଓମ ଶାନ୍ତି ଆଶ୍ରମ ଉପରେ ଜିଲ୍ଲା ଓ ବ୍ଲକ କେମିତି କାହା ନିର୍ଦେଶରେ ନିରବ ରହିଛନ୍ତି ।ଏହି ବଙ୍ଗଳାଟିର ପୁନରୁଦ୍ଧାର କରିବା ପାଇଁ ୬ ବର୍ଷ ତଳେ ୧୫ଲକ୍ଷ ଟଙ୍କାରୁ ଅଧିକ ଅଟକଳ ବ୍ୟୟରେ ନବୀକରଣ କରାଯାଇ ବେଗୁନିଆ ଓ ବୋଲଗଡ଼ ଅଫିସର କ୍ଲବ ନାମରେ ନାମିତ କରି ଏକ ବିଜ୍ଞାପନ ଫଳକ ମରାଯାଇଥିଲା । କିନ୍ତୁ ଏବେ ଏହି ବିଜ୍ଞାପନ ଫଳକଟି ଦୀର୍ଘ ଦିନ ହେବ ନେଇ ଯିବା ପରେ ଏହାର ପରିସରରେ ବହୁ ମୂଲ୍ୟବାନ ଗଛ ଗୁଡିକୁ କାଟି ନେଇ ଯାଇଥିବାର ଦେଖିବାକୁ ମିଳୁଛି ।
ଅନ୍ୟପଟରେ ପ୍ରଶାସନିକ ଅଧିକାରୀ ମାନଙ୍କୁ ହାତ କରି ବଙ୍ଗଳାଟିରେ ଭଡାରେ ରହିଆସୁଛନ୍ତି । ଏହାକୁ ତଦନ୍ତ କରାଗଲେ ପ୍ରକୃତ ସତ୍ୟ ଘଟଣା ଲୋକଲୋଚନକୁ ଆସିବା ସହ ଜବର ଦଖଲ କାରୀଙ୍କ ବିରୁଧରେ ଉପଯୁକ୍ତ ପଦକ୍ଷେପ ନେବାକୁ ସାଧାରଣରେ ଦାବୀ ହେଉଛି ।ବେଗୁନିଆରେ ପ୍ରଶାସନର ଜାଣତ ହେଉ ଅବା ଅଜାଣତରେ ବହୁ ଘଟଣା ଘଟୁଥିଲେ ମଧ୍ୟ ପ୍ରଶାସନ ପକ୍ଷରୁ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ କୁଣ୍ଠାବୋଧ କାହିଁକି କରୁଛନ୍ତି ବୋଲି ସବୁଆଡେ ଚର୍ଚ୍ଚାର ଖୋରାକ ଯୋଗାଇଛି ।
