ସିପିଆଇ ପକ୍ଷରୁ ସାତ ଦଫା ଦାବି ସମ୍ବଳିତ ବିକ୍ଷୋଭ
ସିପିଆଇ ପକ୍ଷରୁ ସାତ ଦଫା ଦାବିକୁ ନେଇ ବିକ୍ଷୋଭ
ଖୋର୍ଦ୍ଧା, ତା୩୦/୭- ଚାଷ ତରତର ବଣିଜ ମଠ ନ୍ୟାୟରେ ବେଗୁନିଆ ଓ ବୋଲଗଡ଼ ବ୍ଲକରେ ବର୍ଷାର ପରିମାଣ କମ ହେତୁ ଚାଷ କାର୍ଯ୍ୟ ପାଇଁ ଜଳ ଏକ ମୁଖ୍ୟ ସମସ୍ୟା ଭାବରେ ଦେଖା ଦେଇଛି ।ଯାହାକି ଚାଷୀଟି ନିଜ ପରିବାର ପ୍ରତିପୋଷଣ ପାଇଁ କୃଷି ଉପରେ ନିର୍ଭର କରୁଥିବାରୁ ଏବେ ଜୀବିକା ହରାଇ ହାତବାନ୍ଧି ବସିପଡିଛି । ଏ ନେଇ ଦକ୍ଷ ସଙ୍ଗଠକ ଅଜୟ ମଙ୍ଗରାଜଙ୍କ ଆବାହକତ୍ୱ ଓ କମ୍ରେଡ଼ ସୁମନ୍ତ ଛୋଟରାୟଙ୍କ ନେତୃତ୍ୱରେ ବେଗୁନିଆ ଥାନା ଅନ୍ତର୍ଗତ ପିଚୁକୁଳିଠାରେ ଖୋର୍ଦ୍ଧା-ବଲାଙ୍ଗୀର ଜାତୀୟ ରାଜପଥ ପାର୍ଶ୍ୱରେ କୋଭିଡ-୧୯ ନିୟମ ପାଳନ କରାଯାଇ ସାତ ଦଫା ଦାବି ବେଗୁନିଆ ଓ ବୋଲଗଡ଼ ବ୍ଲକକୁ ସମ୍ପୂର୍ଣ୍ଣ ମରୁଡି ଅଞ୍ଚଳ ଘୋଷଣା,କୃଷି ଋଣ ଛାଡ,ଶ୍ରମିକମାନଙ୍କୁ କାମ ଯୋଗାଇଦେବା, କାଳିଆ ଯୋଜନାରେ ଦେଇଥିବା ଅର୍ଥକୁ ଫେରସ୍ତ ନ ନେବା,ଚାଷୀର ସମସ୍ତ ଜମିକୁ ବୀମାଭୁକ୍ତ କରିବା ଓ କୃଷି ମଜଦୂର ମାନଙ୍କୁ ମାସିକ ୭ ହଜାର ଭତା ପ୍ରଦାନ କରିବା ଆଦି ଦାବିରେ ବିକ୍ଷୋଭ ପ୍ରଦର୍ଶନ କରିଥିଲେ ।
ଏଥିରେ କମ୍ରେଡ଼ ବିଜୟ କୁମାର ଗୁମାନସିଂହ, ଲକ୍ଷ୍ମଣ ସେଠୀ,ଧନେଶ୍ୱର ମାର୍ଥା,ଶ୍ରୀ ନିବାସ ମାନସିଂହ,ବସନ୍ତ ସେଠୀ, ଲଛମନ ନାୟକ, ରାଜ କିଶୋର ସ୍ୱାଇଁ, କୈଳାସ ନାୟକ, ରାଧାଶ୍ୟାମ ବଳୀୟାରସିଂହ,କେଳୁ ଦେହୁରୀ,ଗଗନ ନାୟକ ଓ ପ୍ରଦୀପ ବାରିକ ପ୍ରମୁଖ ଅଂଶ ଗ୍ରହଣ କରିଥିଲେ ।
