ବେଗୁନିଆରେ ସ୍ୱାଧିନତା ଦିବସ ପାଳିତ

ବେଗୁନିଆରେ ସ୍ୱାଧିନତା ଦିବସ ପାଳିତ
ଖୋର୍ଦ୍ଧା,ତା୧୬/୮- ବେଗୁନିଆ ବ୍ଲକର ୨୧ ଗୋଟି ପଞ୍ଚାୟତର ସମସ୍ତ କାର୍ଯ୍ୟାଳୟ, ଶିକ୍ଷାନୁଷ୍ଠାନ, ସରକାରୀ ଓ ବେସରକାରୀ ଅନୁଷ୍ଠାନ ମାନଙ୍କରେ ୭୪ ତମ ସ୍ୱାଧିନତା ଦିବସ ପାଳନ କରାଯାଇଛି । ଏତଦବ୍ୟତୀତ ବେଗୁନିଆ ବ୍ଲକ ନିକଟସ୍ଥ ପାରେଡ଼ ପଡ଼ିଆରେ ସ୍ଥାନୀୟ ବିଧାୟକ ରାଜେନ୍ଦ୍ର କୁମାର ସାହୁଙ୍କ ଦ୍ୱାରା ପତାକା ଉତ୍ତୋଳନ କରାଯାଇଛି । ଏଥିରେ ବ୍ଲକ ଅଧ୍ୟକ୍ଷା ଜାନକୀ ସ୍ୱାଇଁ, ପୂର୍ବତନ ଜିଲାପରିଷଦ ସଭ୍ୟ ଦିପ୍ତୀ ରଞ୍ଜନ ସାହୁ, ପୂର୍ବତନ ବ୍ଲକ ଉପାଧ୍ୟକ୍ଷ ସତ୍ୟନାରାୟଣ ପ୍ରଧାନ, ତହସିଲଦାର ବିବେକାନନ୍ଦ ପରିଡା,ସବ ରେଜିଷ୍ଟ୍ରାର ସନାତନ ଆଚାର୍ଯ୍ୟ ଓ ବିଡିଓ ରତିକାନ୍ତ ମିଶ୍ରଙ୍କ ସମେତ କୋଭିଡ-୧୯ ନିୟମ ଅନୁଯାୟୀ ପାଳନ କରାଯାଇଥିଲା । ସେହିପରି କଂଗ୍ରେସ କାର୍ଯ୍ୟାଳୟ ପରିସରରେ କଂଗ୍ରେସ ନେତା ପ୍ରଦୀପ କୁମାର ସାହୁ ପତାକା ଉତ୍ତୋଳନ କରିଥିଲେ । ବେଗୁନିଆର ପୂର୍ବତନ ସରପଞ୍ଚ ନବ କିଶୋର ସ୍ୱାଇଁ, ସୁଦର୍ଶନ ମାଣିକ ଓ ସମାଜସେବୀ ବାବୁଲି ପାତ୍ର ସମେତ କର୍ମୀ ଅଂଶ ଗ୍ରହଣ କରିଥିଲେ ।