ବେଗୁନିଆରେ ଉତ୍କଳମଣି ଗୋପବନ୍ଧୁଙ୍କ ଶ୍ରାଦ୍ଧବାର୍ଷିକ ପାଳିତ
ଉତ୍କଳମଣି ଗୋପବନ୍ଧୁ ଦାସଙ୍କ ୯୨ ତମଶ୍ରାଦ୍ଧ ବାର୍ଷିକ ଆୟୋଜିତ ହୋଇଯାଇଛି ।ପ୍ରଥମେ ସ୍ଥାନୀୟ ଗୋପବନ୍ଧୁ ଉର୍ଚ୍ଚ ବିଦ୍ୟାଳୟ ପରିସରରେ ସ୍ଥାପିତ ପ୍ରତିମୂର୍ତିରେ ମାଲ୍ୟାର୍ପଣ କରାଯାଇଥିଲା ।ଏହି ବିଦ୍ୟାଳୟରେ ସଂଗରୋଧ କେନ୍ଦ୍ର କରାଯାଇ ଥିବାରୁ ନିଷେଧାଅଂଚଳ ଭାବେ ଘୋଷଣା ହୋଇ ଥିବାରୁ ପରେ ନିକଟସ୍ଥ ନୂଆସାହି ଜଗନ୍ନାଥ ମନ୍ଦିର ସଲଗ୍ନ ଆମ୍ରକାନନ ପରିସରରେ ପଣ୍ଡିତ ଗୋପବନ୍ଧୁ ଦାସଙ୍କ ଫଟୋ ଚିତ୍ରରେ ମାଲ୍ୟାର୍ପଣ ସହ ଶ୍ରଦ୍ଧା ସୁମନ ଅର୍ପଣ କରାଯାଇଥିଲା ।
ଏହି କାର୍ଯ୍ୟକ୍ରମରେ ବୋଲଗଡ଼ ପରମାନନ୍ଦ ମହାବିଦ୍ୟାଳୟର ଅଧ୍ୟକ୍ଷ ପ୍ରଫେସର ରବୀନ୍ଦ୍ର ନାଥ ପାଣିଗ୍ରାହୀ,ପୂର୍ବତନ ସରପଞ୍ଚ ନବ କିଶୋର ସ୍ୱାଇଁ,ସାମ୍ବାଦିକ ବିବେକାନନ୍ଦ ମିଶ୍ର, ଆଇନଜୀବୀ ପ୍ରଦୀପ କୁମାର ମଙ୍ଗରାଜ,ଶିକ୍ଷୟିତ୍ରୀ ପ୍ରତିମା ପ୍ରଧାନ, ଶିକ୍ଷକ ସତ୍ୟବାଦୀ ସାହୁ, ପାଲା ଗାୟକ ବସନ୍ତ କୁମାର ଦାସ, ଶ୍ରୀମାନ ଓମ ପ୍ରକାଶ ମିଶ୍ର ପ୍ରମୁଖ ଉପସ୍ଥିତ ରହି କୋଭିଡ-୧୯ର ନିୟମକୁ ପାଳନ ପୂର୍ବକ ସ୍ମୃତିଚାରଣ କରିଥିଲେ । ଶେଷରେ ସମାଜସେବୀ ରାଜକିଶୋର ସାହୁ ଧନ୍ୟବାଦ ଅର୍ପଣ କରିଥିଲେ ।
