ବେଗୁନିଆ-ଲୋଧାଚୁଆ ପୁର୍ତ୍ତବିଭାଗ ରାସ୍ତା ଉପରେ ବସିଛି ବିପଦଜନକ ଅବସ୍ଥାରେ ମୁକୁଳା ବିଦ୍ୟୁତ ଟ୍ରାନ୍ସଫର୍ମର
ଖୋର୍ଦ୍ଧା, ତା୨୧/୬- ବେଗୁନିଆ ଥାନା ଅନ୍ତର୍ଗତ ଗୋପାଳପୁର ପଞ୍ଚାୟତ ଅନ୍ତର୍ଗତ ନାରାୟଣୀ ପଡା ଦେଇ ଯାଇଥିବା ବେଗୁନିଆ-ଲୋଧାଚୁଆ ପୂର୍ତ୍ତବିଭାଗ ରାସ୍ତା ଉପରେ ବିଦ୍ୟୁତ ବିଭାଗ ପକ୍ଷରୁ ଆଜକୁ ଦୀର୍ଘ ବର୍ଷ ହେବ ଗାଁ ମୁଣ୍ଡରେ ମୁକୁଳା ହୋଇ ଏକ ଟ୍ରାନ୍ସଫର୍ମର ପଥର ଉପରେ ଥୁଆ ହୋଇଥିବାର ଦେଖିବାକୁ ମିଳୁଛି ।ଏହି ରାସ୍ତା ଦେଇ ପ୍ରତିଦିନ ଗାଁର ଜନସାଧାରଣ,ଛାତ୍ରଛାତ୍ରୀ, ପଥଚାରୀ ସମେତ ଶହ ଶହ ଭାରୀ ଓ ଲଘୁଯାନ ମାନ ଯାତାୟତ କରୁଥିବା ବେଳେ କେହି ଏଥିପ୍ରତି ଧ୍ୟାନ ଦେଇ ନଥାନ୍ତି । ଏହା ବୋତଳମା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ନିକଟ ଦେଇ ସିକୋ ନୟାଗଡ଼ ଜିଲ୍ଲା ରଣପୁର ବ୍ଲକର ଜଗନ୍ନାଥ ସଡକ ଦେଇ ଜଙ୍କିଆ ଠାରେ ପହଁଚି ଖୋର୍ଦ୍ଧା-ବ୍ରହ୍ମପୁର ୧୬ ନମ୍ବର ଜାତୀୟ ରାଜପଥ ପଥ ସହିତ ସଂଲଗ୍ନ ହୋଇଛି ।
ଏପରିକି ମଧ୍ୟ ବୋତଳମା ଠାରୁ ଲୋଧାଚୁଆ ଦେଇ ରଣପୁର ସହିତ ରାସ୍ତାଟି ସଂଲଗ୍ନ ହୋଇଥିବା ବେଳେ ଲୋକମାନେ ବିଦ୍ୟୁତ ବିଭାଗକୁ ବାରମ୍ବାର ଅଭିଯୋଗ କରିବା ସତ୍ୱେ କୌଣସି ବିଭାଗୀୟ ଅଧିକାରୀ ଏଥିପ୍ରତି କର୍ଣ୍ଣପାତ କରୁ ନାହାନ୍ତି ।ଏଥିରୁ ସ୍ପଷ୍ଟ ପ୍ରମାଣିତ ହେଉଛି ବିଭାଗୀୟ ଅଧିକାରୀ ମାନେ କିପରି ସାଧାରଣ ଲୋକଙ୍କ ପ୍ରତି କେତେ ଯତ୍ନବାନ ? । ଏହାଯୋଗୁଁ କେତେବେଳେ ଯେ କୌଣସି ଅଘଟଣ ଘଟିବ ତାହା କହିବା ମୁସ୍କିଲ ହୋଇ ପଡୁଛି ।ତେଣୁ ଏ ଦିଗରେ ତୁରନ୍ତ ଦୃଷ୍ଟି ଦେବାକୁ ସାଧାରଣରେ ଦାବୀ ହେଉଛି ।
