ଗୌଡ଼ନୂଆଗାଁ ଆଦ୍ୟା ଯୁବକ ସଂଘ ପକ୍ଷରୁ ରକ୍ତଦାନ ଶିବିର ,୨୨ୟୁନିଟ ରକ୍ତ ସଂଗ୍ରହ..
ଖୋର୍ଦ୍ଧା, ତା୨୮/୬-ବୋଲଗଡ଼ ବ୍ଲକ ଅନ୍ତର୍ଗତ ଗେଡି଼ଆପଲ୍ଲୀ ପଞ୍ଚାୟତ ଗୌଡ଼ନୂଆଗାଁ ଗ୍ରାମର ଆଦ୍ୟା ଯୁବକ ସଂଘ ପକ୍ଷରୁ ଏକ ସ୍ବେଚ୍ଛାକୃତ ରକ୍ତଦାନ ଶିବିର ସ୍ଥାନୀୟ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ପରିସରରେ ଅନୁଷ୍ଠିତ ହୋଇଯାଇଛି । ଏହି ଶିବିରରେ କୋଭିଡ-୧୯ର ନିୟମ ପାଳନ ପୂର୍ଵକ ୨୨ ୟୁନିଟ ରକ୍ତ ସଂଗୃହୀତ ହୋଇଥିଲା ।
ଏଥିରେ ବୋଲଗଡ଼ ପରମାନନ୍ଦ ମହାବିଦ୍ୟାଳୟର ଅଧ୍ୟକ୍ଷ ପ୍ରଫେସର ରବୀନ୍ଦ୍ର ନାଥ ପାଣିଗ୍ରାହୀ,ସ୍ଥାନୀୟ ଚିକିତ୍ସାଳୟର ଫାର୍ମାସିଷ୍ଟ ବିଭୁଦତ ଛୋଟରାୟ,ଅନୁଷ୍ଠାନର ସଭାପତି କାହ୍ନୁ ଚରଣ ବେହେରା ଓ କୃଷକ ନେତା ଜୟନ୍ତ ତ୍ରିପାଠୀ ପ୍ରମୁଖ ଉପସ୍ଥିତ ରହି ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ । ସ୍ଥାନୀୟ ଚିକିତ୍ସାଳୟ ଆୟୁଷ ଡାକ୍ତର ନିବେଦିତା ଭୋଳ,ଖୋର୍ଦ୍ଧା ବ୍ଲଡ଼ ବ୍ୟାଙ୍କର ଲବ ଟେକ୍ନିସିଆନ ଅରୁଣ କୁମାର ସାହୁ,ଝୁନୁଵାଳା ସାହୁ,ସହାୟିକା ଅମିତା ନାୟକ ଓ ଉଦୟ ନାଥ ରାଉତ ପ୍ରମୁଖ ରକ୍ତ ସଂଗ୍ରହ କରିଥିଲେ । କାର୍ଯ୍ୟକ୍ରମକୁ ସମାଜସେବୀ ଯୋଗେଶ୍ୱର ପଣ୍ଡା ପରିଚାଳନା କରିଥିଲେ ।
